فتحت الطرد ... وفتحت بوقى من اللى شوفته جواه ،
Lina Basyouni
ماشوفتش حاجه !!
الصندوق فاضى مع أنه تقيل جدا !
ممكن تكون الحاجه اللى جوه الصندوق مخفيه !!!
حطيت أيدى جوه الصندوق لقيته فاضى فعلا !
أيه بقى !!! الكلام على أيه المره دى؟ !!
شيلت الصندوق بالعافيه وقلبته على الارض
أتفاجأت بورق وكتب بتقع منه !!!
فضلت أهز فيه وأنا قالبه ,علشان أفضى كل الورق والكتب اللى فيه
لحد مابطل ينزل ورق ،وزنه بقى خفيف زى وزن الصندوق الطبيعى !
Lina Basyouni
قرفصت على الارض وقعدت أقرأ الورق , كل ما أقرأ ورقه عينى تبرق أكتر
الورق عقود ملكيه لقطعتين أ رض فى حته اسمها نجع الشرفاء
أرض بأسم دياب الضباعى , تقريبا ده حد قريب جدى , علشان من نفس عيلتنا الضباعى
وأرض تانيه بأسم جدى ناير نمير الضباعى , وفيه ورقه بتقول أنى الوريث الوحيد !!!
وورق تاني مقدر سعر الاراضى ب20 مليون جنيه !!!!
ايه ده !!! أنا ليا ميراث بالملايين !!!؟
كملت قراية فى الورق واللى كان كله مختوم ومتوثق !!!
حطيت الورق جمبى وفتحت الكتب و بصيت عليها لقيتها
مكتوبه بلغه غريبه
الحروف دى شوفتها فين قبل كده !!!
أها ،نفس اللغه اللى مكتوب بيها على القميص
طلعت موبايلى وصورت صوره من النص اللى فى كتاب منهم وبحثت عن اللغه فى جوجل
Lina Basyouni
وطلعتلى أنها اللغه السومريه !!!
ومكتوب أنها من أقدم اللغات ، وفيه ناس بتقول أنها اللغه إلى كان بيكتب بيها سيدنا سليمان وبيتواصل بيها مع الجن !!!
بصيت على الكتاب تانى وأندهشت لما لقيت ورق الكتاب بقى أبيض!!!
وأختفت الكتابه من عليه تماما
Lina Basyouni
فتحت كل الكتب , لقيت ورقها كله بقى أبيض !!!
بصيت على العقود بسرعه
الحمد لله العقود لسه الكلام مكتوب عليها
أتجننت أكتر ومكنتش فاهم حاجه خالص !
Lina Basyouni
مين اللى بيبعتلى الحاجات دى ؟!!!
ده أكيد حد بيتلاعب بيا ,...
وممكن فى الاخر يطلب منى أعمل جريمه أو أقتل حد زى الافلام ....
مش بعيد يكون بيراقبنى دلوقتى !!!
جريت على باب الشقه وفتحته ،بصيت يمين وشمال , بس مالقتش حد خالص فى الطرقه
قفلت باب الشقه تانى وأتلفت حواليا وبصيت على السقف معرفش ليه !!
Lina Basyouni
وانا بقول :
أيه ... أيه بقى !! . هنفضل نلعب مع بعض كده كتير , أظهر وبان عليك الامان
محدش رد عليا ومحدش هيرد عليا ،شكلى أتجننت!!
جاتلى فكره أتأكد بيها أذا كان الورث ده حقيقى ولا أشتغاله !!
طلعت الصبح ومعايا الورق على الشهر العقارى , وأتاكدت أن الورق سليم وأنى ليا ورث معرفش عنه حاجه !!
قطعتين أرض مساحتهم كبيره فى قريه أسمها دلوقتى قرية النيارين , نجع الشرفاء سابقا !!!
Lina Basyouni
كلمتهم فى الشغل وقولتلهم أنى عندى حالة وفاه وهاخد أجازه وقفلت التليفون بتاع الشغل
روحت على البيت وحضرت شنطتى وطلعت على الموقف وركبت الميكروباص
تليفونى التانى رن ولقيت أسم نيللى على الشاشه , كنسلت عليها .
Lina Basyouni
معرفش ليه مواجهتش نيللى بالحقيقه !!؟ وقلتلها على اللى سمعته وخيانتها ليا!!!
يمكن لسه بحب نيللى؟ !!
أيوه لسه بحب نيللى ،وهروح أبيع الاراضى وأرجع من قرية النيارين مليونير وساعتها هندمها على كل اللى قالته .
هثبتلها أنى مش فاشل وأنى مش هفضل مندوب مبيعات .
ياااه أحلامى كلها بتحقق فى يومين بس !!!
الف شكر وحمد ليك يا رب .
نيللى رنت عليا تانى فكنسلت عليها برده
حطيت السماعات فى ودنى وشغلت أغنيه لمطربى المفضل محمد فؤاد
و غمضت عينى و دندت الاغنيه وانا بسمعها :
تجرح قلبى أنا .. ليه !
تقسى عليا أناا .. ده أنا هنفخك !!
قلبت الاغنيه وجبت أغنيه تانيه لفؤاد وغمضت عينى برده ورددتها بصوت :
ولا يهمك .. تارارر
لاقيت ترياقى من سمك وخلاص أرتحت من همك
ولا يهمك .. تارارا
راميتك زى ما لاقيتك فتات مكسور .. ووردة حب دبلانة فى ضلة سور
عاندتينى و بعتينى..
عشان آخرتها تلاقينى .. لا أنا عاشق و لا مشتااااااااااااق.....
فوجئت بواحد بيهزنى جامد , شيلت السماعات من ودنى وفتحت عينى لقيت كل الناس اللى راكبه في الميكرباص بيبصولى حتى السواق بيبص عليا من المرايه !!
واللى قاعد جمبى قال :
فيه أييييييييييييييييه ياعم أنت !!!. أنت هتسمعنا الالبوم كله ... مش عارفين ننام لحد مانزفت نوصل ..
وسمعت واحد فى الميكروباص رمى قلشه وقال :
أرحمنا ياعم المجروح !!!
كل اللى فى الميكروباص ضحكوا عليا !
Lina Basyouni
وصلت المحافظه وسألت على قرية النيارين فقالولى هاخد ميكروباس تاني للمركز ومن المركز هاخد مواصله تالته لقرية النيارين !! ،
أيه السحوله دى !!!
وصلت الموقف بتاع المركز على الساعه تلاته الفجر .
دورت على مواصله للقريه , و للأسف مالقتش عربيات رايحه ناحية القريه خالص ..
Lina Basyouni
فضلت مستنى أى عربيه تكون معديه على طريق القريه
حطيت شنطتى على الارض جمب الطريق وقعدت عليها لحد
الدنيا مطرت فجأه !!
ومعرفتش أروح فين !! هدومى كلها بقت ميه و طين ...
شوفت كشاف نور عربيه جاى من بعيد وبيقرب عليا .
لما قرب عليا بان أنه ميكروباص واللى كان متوسخ طين من المطر...
Lina Basyouni
شاورتله علشان يقف !
فوقف وفتح باب الميكروباص , بصيت على السواق لقيته راجل كبير فى السن ,
قالى :
تعالى يابنى , أركب
ركبت الميكروباص فالسواق قالى :
رايح فين يابنى !!؟
Lina Basyouni
قولتله :
قرية النيارين , تعرفها !؟
قالى :
أها أعرفها , القريه اللى جمب قريتى , بس ده طريق تانى غير طريقى !
قولتله :
عادى انا ممكن ادفع أجرة الميكروباص كله , بس توصلنى أرجوك , أنت شايف الدنيا بايظه ازاى ...
Lina Basyouni
قالى :
أنت مش من هنا !! صح ؟
قولتله :
أها
قالى :
هاخد فى المشوار ده 500جنيه , أنا والله كنت مروح البيت بس علشان الوضع اللى أحنا فيه ده فهاخد منك 500 جنيه بس وأوصلك
قولت فى بالى :
أه يابن اللذينه ,علشان كده سألتنى أنا من هنا ولا لآ ..
بتستغلنى !!! ماشى !!
قولتله :
موافق ياحاج ، منك لله وربنا يجعله فى ميزان سيئاتك
Lina Basyouni
طلع بالميكروباص ناحية القريه , كان كل شويه يبصلى ويكلم نفسه .
فقولتله :
فيه حاجه !!؟
قالى :
أنا متأكد أنى شوفتك قبل كده .. بس مش فاكر فين بالضبط !!؟
قولتله :
ما أظنش , انا أول مره أنزل المحافظه كلها أصلا .
Lina Basyouni
قالى وهو بيبحلق فيا :
قسما بالله وحياة عيالى أنا شوفتك قبل كده , بس مش فاكر فين ....هتجنن ياناس !!؟
قولتله :
ركز ياسطى فى الطريق وبطل تبصلى علشان مانلبسش فى عمود ولا شجره !!
مردتش عليا وفضل يبصلى بأندهاش
قولتله بنفاذ صبر :
بقولك أيه أنا بدأت أشك فيك
وزعقت فيه وقولتله :
حاسب فيه مطب !!
أكلنا المطب والى نطر العربيه ونطرنا معاها لفوق ، وراسى وراسه خبطت فى سقف الميكروباص !!
فقولته بعصبيه :
ركز فى الطريق ياعم أنت هتموتنا !!
بص قدامه وهو بيضرب راسه بأيده علشان يفتكر شافنى فين برده !!
Lina Basyouni
وصلنا القريه ساعتها الشمس كانت بتشرق والمطر خف شويه
نزلت من الميكروباص بهدومى المطينه ،نزلت شنطتى ووقفت أحاسب السواق أديتله ال500 جنيه وأنا مضايق
الصراحه
علشان أستغلنى وعشان معييش غيرهم, فضل يعد فيهم علشان اديتهمله عشرات وخمسات وجنيهات !!
Lina Basyouni
بصيت على القريه والغيطان الخضرا اللى فيها على مايخلص السواق عد فلوسه ...
عدى علينا واحد راكب على حمار وفى أيده حبل بيشد بيه جاموسه ورايح على غيطه
قولتله وانا مبتسم :
صباح الخي....
فوجئت بيه نط من فوق الحمار وفضل يبحلق فى وشى وهو مندهش وقال :
ناير !!!
Lina Basyouni
قولته :
أها ناير يبقى ...
مكملتش جملتى ولقيت الفلاح ساب الحمار والجاموسه وجرى فى القريه وهو بيقول :
ناير رجع ....ياناس ياهووه .... ناير رجع !!!!!
السواق خبط على راسه وقال :
أخخخ أفتكرت .. الشيخ نايرالساحر
أدانى الفلوس وهو بيترجانى أسامحه !!!!
وخد الميكروباص وجرى !!!
Lina Basyouni
شوية وفوجئت بناس كتيره , تقريبا سكان القريه كلهم بيجروا ناحيتى !!!
خوفت وطلعت اجرى بعيد عنهم , وأنا مش فاهم حاجه !!
فضلوا يجروا ورايا لحد ما أستخبيت فى حقل ذره
أزاى الناس هنا عارفه جدى !!! ولو انا حتى شبهه !! أزاى أصلا هما عارفين شكله .. ده انا حفيده عمرى ماشوفت صوره واحده ليه !!!
فيه حاجه غريبه فى القريه دى ولازم أهرب منها حالا
طلعت راسى بره حقل الذره وبصيت يمينى وشمالى مالقتش حد ، خرجت بره الحقل ولسه هجرى بعيد عن القريه ..
Lina Basyouni
فوجئت بحد نط فوقيا ووقعنى على الارض !!!
قومت من على الارض بسرعه وبصيت لقيتها بنت تقريبا فى سنى أو أصغر منى بس شكلها هبلة !!
قولتلها :
فيه أيه !!؟ أنتى مين والناس دى بتجرى ورايا ليه !!!؟
قالتى وهى بتبحلق فيا :
الساحر ناير رجع !! ....والله ياسيدى أحنا كلنا هنا فى القريه بنحبك وبنتبارك بيك !!!
قولتلها بأندهاش:
بتتباركوا بيا أزاى لامؤاخذه!!؟
Lina Basyouni
شاورتلى أمشى معاها
مفكرتش ولقتنى لا أراديا بمشى معاها ناحية القريه
دخلت جوه القريه , وفوجئت بالناس بتتجمهر عليا وبيقولوا :
الله أكبر ... الله أكبر .. حى .. مدد ياسيدى ناير مدد!!
وفيه منهم اللى بيحاول يمسك ايدى يبوسها !!!
فضلت ماشى جمب البنت والناس ماشيين ورايا ..
لحد ماوصلنا عند ساحه كبيره فى القريه ولمحت منصه عاليه من بعيد قربت من المنصه
واندهشت من اللى شوفته فوق المنصه !!!
يتبع ...
